Byenveni nan nouvo sit entènèt Konsèy Sant Ayisyen an. Nou ta renmen ke w ale ladan l pou ka gade ak chache tout sa ke nou fè pou ede moun ki nan kominote a ak tout lòt moun ki bezwen sèvis nou. Nou panse ke w va jwen anpil enfòmasyon ki ka ede w ak anpil lòt resous ki genyen ke ou pat konnen kote pou jwen. 

Nan sit sa tout sa w pwal wè, tande, ak li se gras ak lajan ke sant la te resevwa nan men (NYC Community of Color), Nouyòk Siti Koalisyon Kominote Koulè sou Sida pa lantremiz (New York City Department of Health and Mental Hygiene) Nouyòk Siti Depatman Lasante ak Lijyèn Mantal ki se - kontraktè prensipal –ak Biwo Kominote Resous Echanj (Community Resource Exchange). N ap di yo ou  gwo mèsi pou opòtinite sa ke yo bannou  pou ede, enfòme  ak edike kominote a a pwopo de pwogram e sèvis ke nou bay, prevansyon ak trètman pou HIV/SIDA e tout lòt pwoblèm sante.  Anvan lontan na jwen enfòmasyon nonsèlman an angle men to an kreyòl ak an franse. Nou swete ke sa va pèmèt ou konnen nou pi byen. 

Nou konnen ke pa janm gen twòp gwo pale ak diskisyon ki fèt sou zafè fanm ki gen SIDA (HIV/AIDS) espesyalman fanm koulè yo. Nou espere ke prezans nou sou entènèt la pwal ogmante kantite enfòmasyon ki genyen sou zafè sa yo ak sou lòt pwoblèm sante. 

Pou ka brase nan sit la pi fasil e pou ka vinn abitye ak tout sèvis ke nou bay yo, mete sourit la kote ki make pwogram ak sèvis ak lòt anons yo. 

Nou di w yon gwo mèsi pou sit la ke w visite a. Na p tann critik ak remèsiman w yo pou nou ka kontinye ba w plus enfòmasyon sa va pèmèt ou ede nou kontinye travay la. Konnen ke sa va fè nou anpil plezi chak fwa ke w vizite sit la.

Nou di w yon gwo mèsi

Konsèy Sant Ayisyen